सोसेक नेपाल अध्यक्षको आन्तरिक सर्कुलर

          |   11 Views   |   Published Date : 19th September 2021 |

आन्तरिक सर्कुलर नं. १

लाई ः कार्यकारी निर्देशक, उप–कार्यकारी निर्देशक, कार्यक्रम निर्देशक, सहायक निर्देशक, शाखा प्रमुख तथा

कार्यक्रम संयोजक, कार्यक्रम अधिकृतहरु सोसेक दैलेख

ले   ः हीरासिंह थापा अध्यक्ष सोसेक दैलेख

विषय ः संस्थाको रणनैतिक व्यवस्थापन परिवर्तनसंगै केही आन्तरिक कार्यालय व्यवस्थापन ।

उपरोक्त सम्वन्धमा यस संस्थाको २४ औं वार्षिक उत्सव तथा साधारण सभा र ९ औं अधिवेशनवाट मलाई अध्यक्ष निर्वाचित गरेको कुरा सवैलाई जानकारी नै छ । मलाई अध्यक्षको गरिमामय पदमा निर्वाचित हून सहयोग गर्नु हुने सम्पुर्ण साथीहरुलाई धन्यवाद दिन चाहन्छु । परिवर्तित सन्दर्भमा नयॉ कार्यसमितिको निर्वाचन भएकोले संस्थामा विगतमा दिएका सेवा केही परिवर्तन गरि संस्थालाई जनताको मनोभावना अनुसार चल्ने र जवाफदेहि संस्थाकोरुपमा विकास गर्न अति नै आवस्यक छ । संस्थाको छविलाई समुदायमा उच्च राख्ने दायित्व फिल्डमा कार्यरत कर्मचारी र त्यस परियोजनाको संयोजकको हो भन्ने कुरा कसैले नकार्न सक्दैन । त्यसैले अव देखि संस्थामा तपसिल वमोजिमका उल्लेखित कुराहरुलाई सुधार गरी अनिवार्यरुपमा लागु गर्नुपर्ने देखिन्छ । त्यसैले यी तपसिलका वुदाहरुलाई आ–आफ्नो तह र तप्कावाट कार्यान्वयन गर्न गराउन अनुरोध गर्दछु ।

सहयोग र समन्वयको लागि धन्यवाद, ।

तपसिल

  1. संस्थाको पहिचानलाई कायम राख्न कार्यालय समयमा कार्यालयमा वस्दा संस्थको परिचय पत्र अनिवार्य लगाउने र आफु मातहतका कर्मचारीहरुलाई लगाउन लगाउने ।
  2. संस्थामा खाजा खाने समय १ः३० देखि २ः०० वजेसम्म तोकिएकोले तोकिएको समय भन्दा अगाडी र पछाडि खाजा खान जाने वजार विना कारण देखिने र होटेलमा वसेर ग्याम खेल्ने जस्ता कार्य तुरुन्त वन्द गरिनु पर्दछ ।
  3. कार्य समिति र सिनीयर स्टाव वैठकका निर्णयहरु आफु जानकार हुने र आफु अन्तरगतका स्टावलाई जानकारी दिनेका साथै कार्य समितीवाट भएका निर्णयको अनिवार्इ कार्यान्वयन गर्ने ।
  4. सिनीयर स्टाव वैठक र सवै परियोजनाका मासिक वैठकहरु हरेक महिना अनिवार्य गर्ने र सो को जानकारी कार्यकारी निर्देशक÷उप कार्यकारी निर्देशक मार्फत मलाई गराउने ।
  5. कार्यालयमा कार्यरत कर्मचारी कुनै एक व्यक्ति नभई संस्था भएकोले संस्थामा कार्यरत कर्मचारीह?ले कार्यालय समय भित्र प्रयोग गरिने भाषा सभ्य र सम्मानजनक बनाउनुपर्छ । (एक ले अर्कोलाई आदर सम्मानको भाषा प्रयोग गरिनु   पर्छ )
  6. संस्थाबाट संचालन गरिने कुनै अभियान वा कार्यक्रम सम्पन्न भइसकेपछि समिक्षा हुनुपर्छ । त्यसले राम्रो र नराम्रा पक्षह? छुट्याउन सजिलो हुन्छ  । राम्रो पक्षलाई निरन्तरता दिदै नराम्रा पक्षहरुलाई निरुत्साहित गर्न सहयोग पुग्छ ।
  7. जिल्ला भित्र वा वाहिर कार्यक्रम संचालन गर्दा संस्था भित्र र वाहिर समन्वय गरि कार्यक्रमलाई कसरी प्रभावकारी वनाउने सोच राख्नु पर्ने ।
  8. कार्यरत कर्मचारीहरु विचमा सिकाई र अनुभव आदान प्रदान गर्ने वातावरण मिलाउनुपर्छ ।
  9. साथीहरु विच हरेक दिन वा हप्तामा एक पटक साँझ कार्यालय समय सकिने वेला कार्यालयमा सम्भव भएका स्टावहरु विच वैठक वसी के गर्न सकियो र के गर्न सकिएन भोली वा आउदो हप्ता के गर्ने विषयमा छलफल गर्दा आन्तरिक समन्वयको पाटो वलियो हुने भएको सो कार्य गरिनु पर्नेछ ।
  10. हरेक महिना सुपरभाईजरले आफु मातहतका कर्मचारीलाई छुट्टै एक आपसको समिक्षा गरि त्यसको फिड व्याक लिने दिने काम गर्ने र त्यसलाई डकुमेन्टेसन गर्ने ।
  11. संस्थाको पुरा नाम लेख्दा सामाजिक सेवा केन्द्र (सोसेक) नेपाल लेख्ने र छोटकरीमा लेख्दा सोसेक नेपाल मात्र लेख्ने अग्रेजीमा छोटकरीमा लेख्दा SOSEC Nepal लेख्ने ।
  12. फिल्डमा कार्यरत कर्मचारीहरुले पाएक पर्ने स्थानमा सम्भव भएसम्म सप्ताहिक वैठक वस्ने व्यवस्था मिलाउने ।
  13. हरेक महिना हरेक परियोजनाले कम्तीमा २ वटा सफलताको कथा लेखि पठाउने व्यवस्था मिलाउने ।
  14. संस्थाले संचालन गरेका कार्यक्रमको जवाफदेहि सेवा, सुनुवाई तथा गुणस्तरिय कार्यकम कार्यान्वयन लागि स्थापना गरीएको गुनासो सुनुवाई सयन्त्र अन्तरगत रहेको निशुल्क टेलीफोन सेवाका लागि NTC user 16608942001 र Ncell user 9801574888 प्रचार प्रसार अनिवार्य गर्ने र आफु सहभागि भई वोल्ने अवसर पाउदा पनि निशुल्क टेलीफोन सेवाको वारेमा  जानकारी गराउने ।
  15. संस्थाले विगत वर्षमा समुदाय स्तरमा गरिएका सहयोगको हाल भएको परिवर्तन वा अवस्थावारेमा पनि मासिकरुपमा रिर्पोट गर्ने व्यवस्था मिलाउने ।
  16. संस्थाको सो कामको लागि तोकिएका व्यक्ति वाहेकका सिनियर म्यानेजमेन्टवाट सक्भर फिल्डका स्टावहरुसंग कामको वारेमा कुरा गर्ने वातावरणको अन्त्य गर्ने
  17. महिला र वालवालिका केन्द्र दैलेख र कालिकोटले नियमितरुपमा कर्णाली प्रदेशमा भएका महिला र वालवालिकाको अधिकार हनन घटनाको न्युज वा अन्य कुनै माध्यमवाट वाहिर आएका घटनाहरुको अभिलेखिकरण गर्ने । कालिकोटले कालिकोट, जुम्ला, हुम्ला, मुगु र डोल्पा र अन्य जिल्लाको हकमा । दैलेखवाट सक्भर एउटै वालहेल्पलाईन म्यासेन्जर ग्रुप वनाउने र पत्रकार वा अन्य सहयोगीलाई जोडि थाह भएका घटनाको न्युज वा अन्य सेयर गर्न अनुरोध गर्ने तर हामीले त्यसमा सेयर नगर्ने ।
  18. संस्थाले लिएको विहेवारी, २० वर्ष पारि, मर्यादित महिनावारी हामी सवैको जिम्मेवारी लगायतका अभियानहरुलाई सवै कर्मचारीहरुले आफु र अन्तरगतमा साथीहरुले कार्यान्वयन गर्ने तथा आफु सहभागि कार्यक्रममा अनिवार्यरुपमा यसको विषयमा वहश गर्ने ।
  19. संस्थाको कार्यालयमा कार्यरत भएको वेला अनावस्यकरुपमा फेसवुक र अन्य सामाजिक संजालमा संलग्न नहुने ।
  20. साझेदार संस्थासग भएको सम्झौता वमोजिम रिर्पोट वाहेक मासिकरुपमा संस्थागत रिर्पोट गर्ने प्रणालीके विकास गर्ने भएकोले हरेक महिनाको रिर्पोट अर्को महिनाको ७ गते भित्र पेश गर्नु पर्नेछ ।
  21. संस्थामा कार्यरत कर्मचारीहरुले परियोजनाको साथै संस्था विकासका लागि अनिवार्य समय व्यवस्थापन गर्नुपर्नेछ र संस्थागत विकासका लागि जारी गरिएका कार्य निर्देशन आदी तोकिएको समय भित्र सम्पन्न गरिनु पर्नेछ ।
  22. संस्थागत तथा परियोजनागत कर्मचारीहरुले तहगतरुपमा साप्ताहिक कार्य योजना अनिवार्य पेश गरेको हुनु पर्नेछ ।
  23. सिनियर म्याजेजमेन्ट वा तहगतरुपमा रहेका साथीहरुले मागेका डाटाहरु वा अन्य संस्थासंग सम्वन्धित काम अनिवार्य तोकिएको समय भित्र गरिनु पर्नेछ ।

हीरासिंह थापा

अध्यक्ष/संस्थापक

सामाजिक सेवा केन्द्र (सोसेक), नेपाल

Down latter सोसेक नेपाल अध्यक्षको आन्तरिक सर्कुलर १

 

 

Share